14. Elekto de instalotaj pakaĵoj
 

Elektu ĉu vi preferas uzi la labortablajn mediojn KDE-on aŭ Gnome-on. Ambaŭ venas kun kompleta aro da utilaj aplikaĵoj kaj iloj. Aktivigu Agordi se vi volas utiligi unu aŭ ambaŭ, aŭ se vi volas personigi la defaŭltajn program-elektojn de tiuj labortablaj medioj. La labortablo LXDE-o estas pli malpeza ol la du antaŭaj. Ĝi havas malpli da grafikaj uzulaj interfacoj kaj pakaĵoj instalitaj defaŭlte.

Pakaĵoj estis arigitaj en grupoj por plifaciligi la elekton de tio kion vi bezonas en via sistemo. La grupoj estas sufiĉe memklarigaj, tamen plia informo pri la enhavo de ĉiu pakaĵaro estas disponebla kiam oni metas la musan montrilon sur ili.

Vi povas elekti Minimuman Instalon malselektante ĉion en la Pakaĵara Elekta ekrano. Minimuma Instalo celas konkretajn uzojn por Magejo kiel servilojn aŭ specialigitajn laborstaciojn. Probable vi uzos ĉi tiun elekton kune kun Permana Pakaĵ-elekto. Se vi elektas ĉi tian instalon la venonta ekrano proponos al vi instali plurajn utilajn aldonaĵojn kiel dokumentojn aŭ Ikso-servilon.

Ĉi tie vi povas elekti aŭ malelekti aldonajn pakaĵojn por agordi vian instalon.

Post fari vian elekton, vi povas klaki sur la disketa ikono sube en la paĝo por konservi vian pakaĵ-elekton (konservi en USB-ŝlosilo funkcias ankaŭ). Vi povos utiligi ĉi tiun dosieron por instali la samajn pakaĵojn en aliaj sistemo klakante sur la sama butono dum la instalado kaj elektante ŝarĝi ĝin.